عايزة تنسقي ملابس بنتك في السن المحير من 8 لـ 14 سنة؟ دليل كامل من نيبو كيدز عشان تختاري القطع العملية والألوان المناسبة لاوت فيت روعة من غير ما تدفعي ثروة.
كل أم عندها بنت في المرحلة العمرية ما بين 8 سنين و14 سنة بتعيش المعاناة اليومية دي: ماما، أنا مش صغيرة عشان ألبس فساتين كرتون، وفي نفس الوقت: اللبس ده شكله كبير أوي عليا. دي تحديدًا هي مرحلة السن المحير، اللي بتبقى فيها البنت مش طفلة صغيرة، وفي نفس الوقت مش كبيرة، وعايزة تعبّر عن شخصيتها. في نيبو كيدز، بنتفهم التحدي ده، خليكي معايا علشان تختاري لبس مناسب لبنت السن المحير
إزاي تختاري الخامات المناسبة للسن المحير؟
- القطن: هو الملك. خلي دايما القطع الأساسية قطن عشان بشرتها تتنفس، خاصة في الجو الحر.
- خامات فيها ليكرا خفيف (Stretch): لو هتجيبي بنطلون جينز أو ليجن، لازم يكون فيه نسبة بسيطة من الاسترتش عشان يديها حركة في المدرسة والنادي.
- خلي بالك من التطريز: السن ده البنت بتحب الحاجات الشيك، اختاري هدوم فيها تطريز أو تفاصيل أنثوية بسيطة بدل طبعات الأميرات الطفولية.
دليلك للألوان: بعيد عن البينك والأبيض بس
خلاص عدى وقت ما كانت الدولاب كله بينك. دلوقتي البنت عايزة ألوان تعبرعن مزاجها، ودورك هنا إنك توصلي لحل وسط.
1. ألوان باستيل هادية لكن راقية
مش شرط روز صارخ. الموف الفاتح (لافندر)، الأخضر النعناعي، والأصفر الليموني الفاتح من الألوان اللي بتدي لوك راقي و اوت فيت شيك.
2. الألوان الحيادية هي صديقتك
عشان تعملي تنسيقات متعددة من غير ما تصرفي كتير، استثمري في قطع أساسية بالألوان الحيادية زي البيج، الأبيض او أوف وايت والرمادي الفاتح. بنطلون بيج مع تيشرت منقوش، أو بلوزة أوف وايت مع جينز أزرق – سهلة اهي وكمان شيك.
3. إزاي تدخلي الأسود بدون قلق؟
كتير من الأمهات بتتخض من طلب البنت للبس الأسود. بدل ما ترفضي تمامًا، جربي إن الأسود يكون في القطع السفلية (بنطلون، جيب) أو في إكسسوارات، والجزء العلوي يبقى لونه مبهج عشان وشها يفضل منور.
أوت فيت مثالي لسن 10 ل 14 سنة.
الموضة دلوقتي بقت أسهل بكتير، وكلها قايمة على فكرة إن البنت تكون مبسوطة بلبسها.
- الطبقات (Layering): الحل السحري. توب قطن بسيط، وفوقيها قميص مفتوح (أوفر شيرت) أو كارديجان خفيف. اوت فيت عملي جدا.
- التيشرتات الواسعة (Oversized Tees): موديلات البنات في السن ده بتعشق التيشرت الواسع شوية. لو لقيتي تيشرت قطني واسع عليه رسمة فنية أو عبارة إيجابية، يبقى كنز. بنات كتير بتلبسه مع ليجن أو جينز ضروري تركزي في الكلام الى على التيشيرت لانه سعات مش بيكون أحسن حاجة.
- الفساتين الـكيوت مش البيبي: لو البنت بتحب الفساتين، اختاري موديلات قميص (Shirt Dress) أو فستان بوسط مطاطي (Sweatshirt Dress). دول موديلات عصرية بتدي البنت إحساس بالانطلاق. ابتعدي عن فساتين التل والتور.
النتيجة؟
متخافيش من إن البنت تشاركك اختيار لبسها. لما تحطي القواعد الأساسية بتاعة الخامات والمناسبة اللي هي هتلبس فيها (مدرسة، خروجة، عزومة عائلية)، وسيبي لها حرية الاختيار بين 3 قطع إنتِ موافقة عليهم، هتلاقيها بقيت واثقة وسعيدة. هي دي نظرتنا في نيبو كيدز، إن كل لوك يبقى حكاية مريحة للأم والبنت مع بعض.